غربة فرج-الحلقة الأولى-السيارة العجيبة

أكيد معظمكم مستغرب من الاسم !!!, شاهدنا مسلسل السيارة العجيبة الذي اشتهر في الثمانينات وما لهذه السيارة من قدرات وامكانيات لدرجة أن بطل قصتنا "فرج" كبر وهو يحلم أنه يكون عنده مثل هذه السيارة أو ربعها حتى أن حلمه توسع بأن يكون مثل بطل المسلسل وفارس السيارة العجيبة "مايكل نايت" أنا عارف أنه زودها وعلى كلام إخواننا المصريين "أدي الله ,وأدي حكمته" بكفي حلموا لعند السيارة . الآن خلينا أول برخصة سواقته , خصوصا أنه تخرج من الكلية بتخصص " لحام" بتقدير مقبول بالشامل . طبعا ينصحوه أحبابه وخلانه أن يلحق و يطلع الرخصة ويخدم سنتين علم ويقدم أوراقه على ديوان الخدمة , وهذه مش غريبة على الكل فهي من أساسيات " أ ب ت " الشاب الخريج اللي حظه بكون بفلق الحجر وذلك أنه إذا طلع له دور في الديوان وغالبا ما بين سنة إلى سنتين, عندها فرج بكون مخلص خدمة ومحصل شغل ورخصوا معه, ما علينا... دورها مطول شوي , لأنه بدوا يشتغل عقد من الزمان على الأقل , حتى يصرف له سيارة بنمرة حمرة "حكومي" وغالبا ما تكون هوندا سيفيك أو بكم أبو كابينتين . وبم أن حديثنا عن فرج وحظه العاثر "إجرو مش خظرة" , خلص خدمة وقعد في البيت لا شغله ولا مشغلة وبجيبته رخصه سواقة حصلها بطلوع الروح بعد ثلاث مرات رسوب ..الرابعة حزن عليه الممتحن وأعطاه الرخصة وهو متأكد أنه من هيئة فرج وشكله بدوا سنين حتى يركب سيارة ويصير "لل..... مره ويحلف عليها بالطلاق " , وتمضي الايام وفرج مش متحسر على شهادته كثر ما هو متحسر على الرخصة اللي تخمرت بجيبته وصار حلموا يصغر من السيارة العجيبة لأي سيارة والسلام . وطالت قعدة فرج بدون شغل وديوان الخدمة ما برد عليه , فقرر أن يستغل شهادته واشتغل في ورشة لحام وجسر من كلية مجتمع إلى جامعة , لا تستغربوا هذا فرج صاحب الأحلام , وكانت تتاح له الفرصة أحيانا بأن يحضر طلبيات الورشة بعد مليون ترجاي منه ومليون توصية من معلمه على البكم وقراءة الفاتحة وآية الكرسي والمعوذات من الطرفين على سلامة البكم . كل هذا ولم تسترح سريرته , نفسوا يسوق سيارة وتكون صالون وتكون مرسيدس لف . إلى أن جاءت الفرصة وصاحب فرج مآيس عن عمره و يطلب من فرج أن يكون سائق جاهته وكيف لا؟؟ وهو من عظام الرقبة , أجت والله جابها سيارةمرسيدس لف من السبعينات , طبعا الفرحة غمرت قلب بطلنا فرج وحلف مليون يمين و آمين.. ليزين السيارة و يخيطها بالزهور بنفسه.. هذا على أساس أنه يجامل العريس ولا يدري أنه يجامل نفسه, صدقوني ليس هناك فرق بين العريس وفرج , العريس يزف لعروسه بالزغاريد ,وفرج بزف حاله من حاله إلى المرسيدس اللف بأن يظلوا يزمر زي المجنون , وأهل العريس واقفين زي الرصد بقاعة الأفراح بطاحشوا ويزاحموا أهل العروس وفرج ماسك الشارع من أوله لآخره بطاحش و ويزاحم موكب الزفة , والعريس يشر عرق من جبينه لكعابه ..مش عارف؟ كيف بدوا يمضي هذه الليلة مكيف و مرعوب و خائف يا عالم صار عندي مره و فرج شرحوا مش عارف كيف بدوا يمضي هذا اليوم على خير خصوصا أنه سواقته سكر خفيف ما بدوا يطقشلوا سيارة أحد ولا بدوا تطفي معه السيارة على الطلعة , وكلاهما في باله يحكي اليوم أنا "زلمة" , كلاهما داخل على عروسه , إلا أن الفرق للعريس شهر عسل ولفرج بس هذه الليلة.

وجاء الصيف وهلت عقود طلب المدرسين والمهنين من الخليج و بدء الحظ يبتسم لفرج بالتحقق رويدا رويدا عندما وقع على عقد مدرس بالدرجة الثالثة براتب أساسي قدرة 365 دينار أي ما يقارب 600 دون التذاكر والسكن , لم يهمه ذلك ....يكفي الراتب الاساسي من 200 نيرة إلى 600 نيرة بظل 400 نيرة, يا سلام في السنة الأولى سيحقق حلم الطفولة بشراء السيارة العجيبة , واللي بعدها بتزوج بنت الحلال , واللي بعدها يشتري له بيت واللي بعدها يشتري أرض , واللي و اللي ....الخ . سنتوقف عند أحلام فرج قليلا لأنه عليه أن يجهز نفسه للسفر بنهاية أغسطس/ 1992 ..لبدء رحلة الغربة ويطبع على جبينه "مغترب"

إلى اللقاء في الحلقة القادمة من مسلسل "غربة فرج"

المؤلف : عبدالرحيم محمد الحــــــــــافي

"مدونة الحــــــــــــــــافي" Created by A.Raheim Mohamed Alhafi is licensed under a Creative Commons Attribution 3.0 United States License. Based on a work at www.alhafi.spaces.live.com/blog. Permissions beyond the scope of this license may be